Kæru viðskiftafólk. Hjálpið okkum at ansa eftir hvørjum øðrum í samband við korona. Hevur tú sjúkueyðkenni so ynskja vit ikki, at tú kemur á klinikkina. Hevur tú verið uttanlanda mást tú bíða við at koma á klinikkina inntil tú ert potaður 6. dag og hevur fingið negativt svar.

Vælkomin!

Tannspenn veitir alla vanliga tannlæknaviðgerð. Harafturat hava vit landsins einasta sertannlækna í tannrætting. Vit leggja dent á góðsku og góða tænastu í fjálgum og dámligum umhvørvi. Starvsfólkini á Tannspenn eru dugnalig, nærløgd og vinalig, og tey eru til reiðar at veita tær tænastuna, tær tørvar.

Opið

Mánadag-fríggjadag
08:00-16:00

Telefontíð

Mánadag-fríggjadag
09:00-13.00

tel 666030

Beint nú taka vit ikki nýggj viðskiftafólk.

Undantikið til tannrætting.

Tannlæknavaktin

Er tørvur á bráðfeingis tannlæknahjálp vikuskiftir ella halgidagar, ber til at ringja til tannlæknavaktina á telefon 314544 frá klokkan 10.00 til 11.00.

Tannlæknavaktin er einans til akutta viðgerð. Roknast kann við, at viðgerðin er fyribils, og at tørvur verður á víðari viðgerð hjá egnum tannlækna.

Vaktargjaldið er kr. 690,- afturat viðgerðarkostnaðinum. Gjaldast skal á staðnum.

Summarferia

Summarferiuvaktin hjá tannlæknum er tvær vikur hvørjumegin ólavssøku. Summarferiuvaktin svarar millum 9.00-15.00 á telefon 314544.

Viðgerðir

Starvsfólkini á Tannspenn hava drúgvar royndir og eftirútbúgva seg javnt og samt. Fakliga eru vit up-to-date. Vit hava eisini nýggjastu tøknina.

Eftir at hava kannað teg tosa vit um viðgerðarmøguleikar, kostnað og viðgerðargongd.

Tannrætting

Sertannlækni í tannrætting varðar av tannrættingini á Tannspenn. Vit rætta fegin tenn hjá vaksnum. Vit hava eisini avtalu við nakrar kommunur í Føroyum og taka okkum av tannrættingini hjá børnum í hesum kommunum.

Kanning

Viðskiftafólk okkara verða regluliga kallað inn til kanningar. Kanningarintervallið verður ásett í hvørjum einstøkum føri. Út frá kanningini verður tosað um viðgerðartørv, viðgerðarmøguleikar, prís og ætlan fyri viðgerð.

Fyribyrging

Vit leggja vekt á fyribyrging. Sostatt royna vit í samstarv við viðskiftafólk at finna leist, hvussu tannhald og tenn verða røktar skynsamt.

Vanligastu viðgerðir

Vit gera allar vanligar tannviðgerðir á Tannspenn. Vanligastu viðgerðirnar eru: vanligar plastfyllingar, rótviðgerðir, tanntøkur og tannhaldsviðgerð. Tað er primert standurin á tonnunum, sum avger, hvør viðgerðin verður. Viðgerðin verður gjørd í tøttum samráði við viðskiftafólkið.

Kirurgi

Á Tannspenn bjóða vit tær vanligastu skurðviðgerðirnar, til dømis tá talan er um at taka vísdómsjakslar. Er talan um størri viðgerð, enn vit meta okkum før fyri, fáa vit víst til samstarvsfelagar í Tórshavn.

Krúnur og brýr

Tenn, sum eru so illa farnar, at ein fylling ikki kann gerast, kunnu krýnast. Ein krúna er ein hetta, sum er formað sum ein tonn og er límað niður á tað, sum eftir er av tonn. Krúnan kann gerast úr gulli, postalíni ella zirkonium. Tilfarið verður valt í hvørjum einstøkum føri. Ein brúgv kann gerast, tá tonn manglar. Tá verða krúnur gjørdar á tenninar við síðuna av manglandi tonn, og manglandi tonn er føst í krúnurnar, brúgvin verður límað á tenninar. Krúnur og brýr verða ikki gjørdar á klinikkini men hjá tannteknikara. Vit gera forarbeiðið og seta krúnur og brýr fastar.

Protesur

Protesur eru forlornar tenn. Protesur erstatta tenn, sum mangla. Protesur verða gjørdar um fleiri ella allar tenn mangla. Protesur verða ikki gjørda á tannklinkkini, men tannteknikkari, sum vit arbeiða saman við, ger tær. Vit gera forarbeiðið og tilpassa protesurnar á Tannspenn.

Viðgerðir

Starvsfólkini á Tannspenn hava drúgvar royndir og eftirútbúgva seg javnt og samt. Fakliga eru vit up-to-date. Vit hava eisini nýggjastu tøknina.

Eftir at hava kannað teg tosa vit um viðgerðarmøguleikar, kostnað og viðgerðargongd.

Tannrætting

Kanning

Fyribyrging

Vit leggja vekt á fyribyrging. Sostatt royna vit í samstarv við viðskiftafólk at finna leist, hvussu tannhald og tenn verða røktar skynsamt.

Vanligastu viðgerðir

Kirurgi

Krúnur og brýr

Protesur

Tannrætting

Halldis á Grønastøð, sertannlækni í tannrætting

Tann einasti sertannlæknin í tannrætting í Føroyum er á Tannspenn. Sostatt kunnu vit bjóða allarbestu tannrættingarviðgerð. Umhugsar tú at fáa tenninar rættaðar, so kanst tú venda tær til Tannspenn. Tannrættingingarviðgerð er sera individuell, og ringt er at geva standardsvar upp á kostnað og viðgerðartíð. Óbindandi kanning viðvíkjandi tannrætting kostar 650,00.

Viðgerðarhættir

Vit bjóða ymiskar viðgerðir til tannrætting. Vit hava vanligar fastar tannboylar. Teir fáast eisini úr postalíni fyri eykagjald. Postalínsboylar eru ikki so sjónligir. Tenn kunnu eisini rættast við leysum boyla. Vit brúka Invisalign-systemið. Invisalign er ein røð av skinnarum, sum verða brúktir og skiftir eftir leiðbeining frá okkum. Onkuntíð er neyðugt at leggja plast á tenn í samband við Invisalign-viðgerðina.